An excerpt from the message delivered by Mayor Glenn Baricuatro during the opening ceremony of the 165th Founding Anniversary of the Municipality of Pinamungajan.

Today starts the celebration of our 165th Founding Anniversary which will be on Friday, September 4. Important activities and events are lining up to commemorate and celebrate this very important event of our town's history. I will leave that to Dr. Aike Baron to discuss with you more about our town's history. Her illustrious personalities, her wonderful landscape, her pristine beaches and her amazing waterfalls to name a few of the many. Allow me to talk about our town's present status and what we foresee our town to become.
-Karon ang kasamtangan nga liderato sa simbahan hugot kaayo ang supporta sa mga kalihokan ug programa nga sa iyang tan-aw makaayo sa kinabag-an.
- Karon ang Pinamungajan aduna nay college nga mao ang Cebu Technological University. Ang damgo nga maka angkon ug college education nga kaniadto idlas kaayo, karon ania na sa atong tugkaran. 
- Karon ang palibot sa atong lungsod limpyo na kaayo ug daghan na ang mga tanom nga sa kanunay gi-alimahan.
- Karon ang atong lungsod nalakip sa mga kalungsoran nga gihatagan ug silyo sa Good Financial Housekeeping and let me thank and congratulate the members of the local finance committee.
- Karon matag Lunes aduna na kitay Flag Raising Ceremony nga tambungan sa tanang mga kawani ug ang atong mga kawani karon gawas nga kugihan, service oriented napud. Hinaut nga unta dili kini mausab.
- Karon libre na ang paggamit sa ambulansiya sa mga nagkinahanglan nga mogamit niini. Wala man pud siguroy mogamit sa ambulansiya haron lang mag suroy-suroy o mag joy-riding.
- Karon atong na fully-implemented ang Magna Carta for Health Workers bisan kini inyong mayor dili doktor.
- Karon aduna na kitay birthing centers sa Lamac, Rizal ug Tangub nga dugang sa kasamtangang birthing center dinhi sa Poblacion.
- Karon aduna na kitay Animal Bite Center ug dili na mobyahe sa Dakbayan sa Sugbo ang mga napaakan ug mananap.
- Karon ang atong mga gipamalit nga mga tambal matag quarter sa tuig ato kining gi apod-apod sa tanan nga mga barangays, regardless of their barangay captain's political affiliation.
- Karon dugang Day Care Centers ang atong napatukod sa barangays Poblacion, Lamac, Busay, Tanibag, Punod, Candiis Sibago, Buhingtubig ug Anopog.
- Karon ang atong assistance to persons in crisis situations (AICS) gihatag sa walay pagpinig sa politikanhong bulok o relihiyon.
- Karon aduna na kitay nursery nga mo supply sa mga panginahanglanon nato sa lubangon sa prutas, utanon ug uban pang kahoy. Sa maka daghang higayon naka initiate kita ug mangrove and tree planting activities. Naka pahigayon na usab kita ug coastal cleanup ug cleanup drive.
- Karon mihatag kita ug counterpart funds sa duha ka mga irrigators' associations sa atong mga rice farmers sa Punod, Lamac og Anopog-Camugao.

-Karon naa nay Chess Hub ug naa napoy statuwa ni Rizal aron mopahinumdum nato ug unsa ang atong Filipinhon nga kasaysayan.

- Karon ato usab tukoron ang farmers' training center. 
- Karon aduna na usab kitay mga pilot areas sa organic farming.
- Karon ongoing ang atong paghimo ug walo ka mga pumpboats haron magamit sa atong Bantay Dagat Operatives sa pag protehir sa atong marine resources.
- Karon ang matag barangay atong gihatagan ug 30T isip socio-cultural fund nga sarang nilang magamit sa mga galastuhan sa ilang kapistahan.

- Karon ang atong Miss Pinamungajan gi salmotan kini sa lunlon nga mga taga Pinamungajan nga maoy mo promote sa tanan natong beauty spots og resorts.

- Karon matag barangay adunay 400T nga road concreting project ug 100T worth nga project nga gipili sa ilang matag kapitan, again regardless of political affiliation.

- Karon aduna kitay website og FB account para ang mga katawhan maka interact sa mga issues nga adunay labot ang lungsod.

- Karon aduna na kitay newsletter og radio program nga gi ulohan ug Kalambuan sa Pinamungajan nga gidumala ni SB Lito Cerna ug SB Julius Alpas. Ang newsletter gitumong para niadtong sector nga walay access sa social media.

- Karon kung maglukat kamug businesspermit matag Enero, madali nalang kay aduna man kitay gitawag og one-stop shop.

- Karon aduna kitay dugang nga covered courts nga anha tukoron sa Pinamungajan National High School ug sa barangays Lut-od og Duangan.

- Karon aduna kitay road concreting projects nga nakuha nato pinaagi sa panabang sa kasamtangan nga Kongresista Congresswoman Gwen Garcia ug ni Cong. Pajes sa COOP NATCO particularmente sa Tamborong, Duangan ngadto sa Lamac. 5M sa Sitio Langub, Sambagon ug 5M ngadto sa Sibago
road concreting projects.

- Karon aduna nay misulod nga mga investors sa atong lungsod and most
notably ang Excelsior nga anaa sa 16-hectare property nga ilahang napalit diha sa Barangay Sacsac. Og ang cement factory nga anha tukoron sa 40-hectare property diha gihapon sa samang barangay. Ang excelsior 300M direct investment kini sa atong lungsod samtang ang cement factory mokabat sa 10 billiones ka pesos.
- Karon todo ang atong suporta nga gihatag sa atong mga kapulisan ug fire department. Gani karong tuiga mo procure kita og upat ngadto sa unom ka mga bullet proof vests og helmets nga sarang magamit sa atong mga kapulisan sa pagsumpo sa tanang porma sa criminalidad lakip na ang ginadiling drugas. Ug naghatag kita og suporta financial para sa pag conduct og anti-illegal drugs operation. Mohatag kita ug fire hydrants
sa atong fire department haron sayon nila ang pag kumbate sa sunog nga mahitabo dinhi sa atong lungsod ug masiguro nga ang mga fire trucks permanenteng anaa sa running condition.

- Kining tanan tingali sa pipila ka mga tawo ginagmay lang nga kalambuan apan kining tanan mga pondasyon kini nga kinahanglan nga buhaton sa usa ka lungsod nga kung ang iyang direksiyon mao ang pagsaka ug pag palig-on sa iyang ekonomiya. Human nga ma completo nato kining tanan nga pondasyon nga maoy maka palig-on sa atong lungsod sa tapok sa mga kalungsoran dinhi sa lalawigan sa Sugbo, mo abante kita haron atong ma implementar ang mga dagko nga mga proyekto dinhi sa atong lungsod. Ug naana kitay plano niini. Hatagi lang ko ninyo ug higayon nga ako kining masulti ang tanang mga dagkong plano sa sunod natong pag celebrar sa annibersaryo sa Pinamungajan karong 2016.
Sa ako ng gikasulti sa daghan ng mga higayon, ang paglambo niining minahal natong lungsod dili makab-ot sa usa lang ka pamilya, tawo o mayor, kundili makab-ot lamang kini sa pag panaghiusa ug pagtambayayong sa tanang mga sectors og lumulopyo niining lungsora.
Sa kanunay akong ipasalig nga ang akong pag-alagad kaninyo walay pagkutap ug paglubad. Magtukaw ako sa kanunay uban sa atong mga kauban nga inyo usab nga gipili sa pag huna-huna ug unsa pay makaayo niining atong pinalanggang lungsod. 
I swear TO SERVE NOT TO RULE.
Sa kanunay ako kaninyo mapa salamaton. Maayong buntag kanatong tanan, maayong buntag Pinamungajan!